Care-taker (Episode - 2)

Subah hoti hai,Tanu aur Purvi breakfast karte vakt Tanu Purvi ko kahti hai ki Kal me tujhe bata rahi thi ki mujhe koi aise lag raha tha ki mene kisi parchai ko dekha....tune kaha vaham hoga par vo vaham nahi tha purvi..

Purvi - Are kal ka mujhe kuch yaad nahi hai aur agar aisa hoga bhi to firse vo parchai dikhegi hi na tujhe..Aur darling mene tere liye ek broker ko kaha hai,vo tujhe ache ghar dikha dega kabtak is 1rk me rahegi..chal ready ho ja ham chalte hai fir ghar dekhne..

Tanu - Thik e,lekin dekh yaar mujhe ghar buy karna hai to me jaldbaaji nahi karungi me soch samajh ke time leke hi ghar decide karungi..

Purvi - Haan bhai thik hai..

Tanu aur Purvi dono ghar dekhane jaate hai,sham ho jati hai lekin Tanu ko ghar pasand nahi ata koi..

Broker Tanu se kahta hai,"Madam abhi me apko ek ghar dikhaunga vo ek palace hai,par log kahte hai vo ek cursed palace hai to aap abhi hi batayiye aapko vo dekhna he ki nahi kyuki ab mere pass vo last option bacha hai.."

Tanvi - Haan aap dikha dijiye.

Purvi - Tanu,Pagal ho gayi he kya,log kah rahe he to kuch to hoga hi.

Tanvi - Are yaar,log to bolte hi rahte hai,chupchap chal mere sath..

Broker Tanvi aur Purvi ko vo ghar dikhata hai.Vo Palace bahot bada aur kafi sundar hota hai,palace ke piche ke gate ke samne ocean hota hai..Ekdam sapno ke mahal jaisa..

Tanvi broker ko kahti hai Aap ye ghar final kar dijiye..Aur kabse me shift kar sakti hu..

Aap parso se shift karva dijiye me aapko ghar ke papers apke naam karvata hu.

Tanvi - Thik hai fir, formalities karke aap mujhe bata do..Chal Purvi ghar chalte hai..

Ghar pahochne ke baad..
Purvi - Tu to kah rahi thi jaldbaji nahi karni tujhe ghar lene me to decision kaise le liya tune turant..Aur kya pata logo ki baat sach ho to..

Tanu - Yaar itna bada mahal jaisa ghar upar se samne sea-view koi pagal hi ho jo aisa mauka chodega..Aur ekdam budget me..Aur agar aisa kuch hoga bhi to baad me dekh lenge..

Dusre din broker ka call ata hai..
Mam aap mere office me ayiye aapse ghar ke regarding baat karni hai and papers pr apki sign chahiye..

Tanvi Broker ke office pahochati hai vaha Owner bhi hota hai vo Tanu ko kahte he ki Ye Palace ek Rajshahi parivar ka tha..Aur is Palace ki parampara hai ki inka Care-taker apko apke sath rakhna padega..

Tanvi - Kya,yeh to apne nahi bataya..lekin fir tanvi maan jati hai..

Sab formalities complete ho jati hai....

Tanvi Apna saman shift karti hai Palace me..

Apna akhiri box leke vo apne room me rakhne ja hi rahi hoti hai ki utne me ek ladka use jor se takrata hai..aur uske hatho se box gir jata hai....

Tanvi - Oye Koun ho tum,aur mere ghar me kya kar rahe ho????😡

Ladka - Mera nam Darsh hai,Me is ghar ka care-taker hu..

Tanvi - Acha ( vo apne man me sochti hai ki mene socha tha koi old honge but ye to Handsome young boy hai )

Darsh - I am so sorry apko dhakka laga,rukiye me apka saman apke room me rakh deta hu aap ja ke aram kijiye..Aur apko khane ko kya chaiye bata dijiye me banake leke aata hu..

Tanvi - Kyaaa? Khana aur tum banaoge..Nahi me order kar lungi,Thank you..

Darsh - Acha okah aap aram kijiye khana ane ke baad Me apko bulaunga..

Tanvi apne room me jaati hai aur najdiki restaurant se khana order karti hai....

Kuch der baad Darsh Tanu ko khana khane bulane ata hai..
Vo dining table par pahochti hai to dekhti hai itna kuch banaya hota hai
Daal,chawal,puri,sabji aur gulabjamun bhi..

Tanu - Mene to ye sab nahi mangaya.

Darsh - Ye sab mene banaya hai,mene hotel me call karke apka order cancel kar diya tha..Ghar ka khana mil raha he to aap bahar ka kyu khana chahti hai..Apko shayad laga hoga mujhe khana banane nahi ata..but aisa nahi hai mujhe sab dishes aati hai..

Tanu - 😳😳Ekdam dang rah jati hai ye sab dekh ke..aur usko kahti hai ki chalo tum bhi khana khane beth jao..

Darsh - Nahi aap kha lijiye me baad me kha lunga..

Tanu - Me akele nahi khaungi vese bhi,tum bhi khana khane baith jao,itna sabkuch hai garam garam kha lo tum bhi..

Darsh - Lekin ye mere rule ke against hai,Aap owner ho ghar ki,aap kha lijiye me kha lunga baad me..

Tanu - Owner hu to kya hua,acha ye samajh lo owner chahti hai ki tum sath me bethake khana khao..

Darsh - Okay madam..(Man hi man me vo sochta hai ki aajkal itne pure heart ka shayad hi koi ho..)
Mam apse ek baat kahni thi..

Tanu - haan bolo..

Darsh - Apko ye Palace me nahi aana chaiye tha,This palace is cursed.

Tanu - Lag to nahi raha..Aur ab chup chap khana kha lo..

Tanu apna khana khatam karti hai aur apne room ki or jaati hai..Aur so jati hai..

Tanu ko ek sapna ata hai jisme vo isi mahal me enter karti hai lekin sapne me kafi sare maid, bodyguard aur police usko dikhayi dete hai..
Utne me ek bodyguard Tanu se puchta hai,Tum koun ho?? Kya tum traveller ho..aur bina soche samjhe tanu ko goli mar deta hai jo ki uske pet me lagti hai..

Tanu Achanak chauk ke jag jati hai to apne aap ko Darsh ke baho me paati hai..
Tanvi - Tum yaha kya kar rahe ho..

Darsh - Aap jor jor se chila rahe the me yaha aya to dekha ki aap nind me hi chilla rahe ho..aur aap girne hi vale the bed se isliye mene apko pakad liya utne me aapki nind khul gayi..

Tanvi - Ye itna ajib sapna aya hai..Sach batao ye sab kya hai aur aisa sapna kyu aya mujhe..

Darsh - Mene kaha tha ye jagah apke liye sahi nahi hai,Apko yaha se jana chaiye..baki me apko kuch nahi bata sakta..

Tanvi - nahi me yaha se kahi nahi jaungi..

Darsh - Yaha koi 2 din se jyada nahi rah paya..Jo koi yaha naya owner banke ata hai unko aise hi darawne sapne aate hai.

Tanvi - Acha,baaki baate baad me dekh lenge ab tum yaha se jaao mujhe sona hai..

Darsh vaha se chala jaata hai..
Tanvi soch me pad jaati hai..aur sochti hai ki usko aage kya karna chaiye..


                                              To be continued....

Aapko kya lagta hai Tanu ko kya karna chaiye ya fir tanu kya karegi,aap comments me jarur batayiye..


Stay tune for more episodes, Regular updates ke liye subscribe jarur kare..


Thanks for reading..

Comments