Women, Depression and Suicide💔. Heart breaking patch of women who committed suicide.. Sensitive content.

Pahle Ayesha khan,Fir komal patel fir ek aur nagpur me jo ki Doctor hai,padhe likhi ladkiya.. Suicide kar rahi hai... Suicide video ha letter likhti hai,Jisme bas yahi likha hota hai ki shadi "Hamari sabse badi galti thi Shadi karna,ham bhi kuch banana chahte the,sapne pura karna chahte the,padh likh ke koi fayda nahi hua,lekin ye shadi ne hamko hi khatam kar diya to ham sapne kaha oure kar paate,Galati kar di..shadi karke apni jindgi aaj khatam kar rahe hai,Galat insan se shadi hui".Aur iska reason pata hai kyu..

Kyuki shadi ke baad unko laachar banadiya gaya..Unke pati ke dwara..

Kahte hai ek aurat bahot nasibwali hoti hai jab uska pati use sabke samne samman de,usko apna wakt de,Ek baat jarur samjhna chaiye sabko,

"Jab tak ek pati apne biwi ko samman deta hai,uski ksbhi beijjati nahi karta,tab tak duniya ka ek bhi insan nahi jo uski biwi ko beijjat kare"

Ye to sab jaante hai ki ladkiyo ko bachpan se lagta hai ki shadi hogi to unka pati unki care karega..pyar karega..bachche honge sab mast shuru rahega..Par kya sach me aise hota hai?????

Nahi bilkul nahi..balki 65%aurte Pure world me shadi ke baad depression ka shikar hoti hai..balki india me 78% mahila me shadi ke baad depression ke patients paye jaate hai..Aur 42-43% mahila Suicide jaise option ko select kar leti hai..

Kyu kisi mahila ko ye kaha jaata hai ki tumko ghar ka sab sambhalna padega?

Kyu kisi mahila ko job karna ho to uske sapne dabaaye jaate hai?

Kyu koi mahila shadi ke baad apne saheliyo se koi contact nahi rakh sakti?

Kyu koi mahila pati ke daru pike rat me der ghar ane par mahilaye apne pati se ye nahi puch sakti ki late kyu aaye?

Kyu koi mahila andar hi andar ghut jaati hai??

Kyu koi is hadd tak majbur karta hai mahila ko ki vo bachche hote hue bhi apni jindgi khatam kar de?

Kyu kisi mahila ko bhi apne man ke anusar jeene nahi milta?

Sare sawal un mardo ko bekar lagenge jinko bachpan se yahi sikhaya jaata hai ki aurat mard ke pairo tale chalni chaiye..

 Biwi Pati ke maatapita ki seva kare lekin jamai apne saas sasur ka call ane par bhi gusse se laal pile ho jate hai..

 Shadi hoti hai tab biwi bahot sundar lagti hai,lekin jab bachche ho jate hai to vahi biwi apne aap par dhyan nahi de pati sara din pati aur bachcho ke bare me sochti hai,khud ki taraf dhyan hi nahi deti..Aur vaha se shuru ho jata hai biwi ko pareshan karna..kyuki jab biwi sundar thi to pati bhi jaldi ghar ate the biwi ko Time dete the,Lekin ab bachcha hone ke baad biwi moti ho gayi,biwi ko sajne sawarne la mauka nahi milta..

 To sab ke sab milke us bechari aurat ko taane marna shuru karte hai..

 "Haye bhagwan,din ba din failti hi ja rhi ho,thoda sa patli ho jao",

 "Me paise kama ke lata hu,Tum dinbhar karti kya rahti ho,thoda exercise karo khana mat khao ya kam khao,kya hi ho jayega,nahi khaogi ya kam khaogi to mar thodi na jaogi..",

 "Ghar me Machine hai sab hai,tumko sirf khana banana hai,bartan ghisna hai,zadu pocha karna hai,aur bachche ko sambhalna hai", 

 Baki aur kya hi kaam hai tumko,dekho khud ko kaisi ho gayi ho..moti bhaisi kahiki"

 Biwi ka sundarta Kam hoti jaati hai aur baaki bahar ki aurte aur ladkiyo par najar dalna shuru,unse chakkar chalana shuru ho jata hai...

 Aur usi me koi aisa insan mile jo ki roj daru pita ho..Tab to bhai sahab sharabi ban jaate hai,jyada se jyada der dosto me rahte hai,raatko late ghar aate hai....

 Kyu sahi kaha na maine,Aur tab biwi ki badnami karna shuru ho jata hai dosto me,Aur fir sahab ke dost bhi biwi par buri najar daalna shuru karte hai..

Dosto ke saame biwi ka apman karna,biwi ko marne ke liye daudna ye konsa tarika sikha dete hai dost,Sharabi dost jo hote hai na vo khud to kichad me hote hai aur dusre insan ko kuch minutes me kichad me mila dete hai..

Kab tak sahegi ek aurat,Aaj is kalyug me bhi pati ko manjur nahi biwi job kare,"pahle bachcha sambhalo tumse job nahi hoga,ye bola jata hai"..

Pati daru pike ayega,bahar dosto ke sath aish karega, office bhi jayega lekin,biwi ko ghar pe rashan ke alawa kuch nahi dega..

Kya yahi deserve karti hai aurate,kabhi koi aurat bimar ho to use kabhi nahi kaha jaata ki pahle Doctor ko dikhao tum sahi rahogi to hame sbhal sakogi..balki us aurat ko ye kaha jata hai kya bachcho jaise harkate kar rahi ho ye ho raha he vo ho raha hai,"Thoda sahna sikho"

Vo sah bhi leti hai,lekin jab uski bimari aur badh jati hai,to vahi pati kahta hai ki bhai tumko khud par par dhyan dena ana chaiye,me kaha se tumhara ilaj karwau,isase acha to tum mar hi jaao" "ya fir apne maa baap se paise la ke apna ilaj karwao..mene kya theka le rakha hai" Aise chubhnewale shabd jab pati bolta hai to kya gujarti hogi us aurat par,

Aisa nahi ko koi aurat apne parents ko nahi batati lekin ye samaj ke darr se ladki hai na to sasural chodke ghar par rahegi to samaj ko kya jawab denge is darr se ladki ko us narak me chod dete hai....

Jaha Nauratri ke 9 din deviyo ki pooja ki jaati hai vaha 365 din "Ghar ki Laxmi" jise kahte hai  unlo jeete ji maara jaata hai....

Shadi ke baad jyadatar aurato ke koi dost nahi bachate,vo kisise apne dil ki baat kah nahi paati,yaha tak ki apne parents ko tak nahi batati kyuki use pata hota hai ki parents  aur saas-sasur ne already kah diya hai ki "Ladki ho adjust karna padega"Pati bar bar apman kare,bat bat par marne ke liye daude,job na karne de,bar bar ghar se nikal jaao,apne maa baap se paise laao,bachcha dekho,sab karne ke bawajood pati ki galiya suno,bimari aati hai,bar bar pati ke muh se ye suno ki kaisi aurat ho yar tum,kalank ho kalank,barbad kar diya hai jabse shadi hui haj,mar kyu nahi jaati..Mar jaogi to sukoon se ji sakunga"

Kya karegi vo aurat bar bar uske man me ye bithaya jata hai ki uska marna kaise sabke liye acha hai.. Suicide hi to karegi na..Kyuki vo jab awaaj uthati hai to aur usko pressurized kiya jaata hai,usko aur mentally torcher kiya jata hai,aur use mentally disturbed,psycho ka karaar diya jaata hai,kyuki in sabse vo depression me chali jaati hai,Sever depression me..

Koi aurat ye nahi kahti ki uska pati mehnat nahi karta,lekin bar bar uska apman karna,bar bar sabke sne beijjati karna,bar bar use Boz hone ka ehsas dilana....Kab tak sahegi Voaurat????

Aur fir ek din aise hi shanti se baithati hai ghar me,sochte rahti hai ye sab,soch soch ke usko khud ko tak nahi pata chalta ki kab usne rassi apne gale me daal di,kab usne kaam karte karte bhi poison pi liya,us wakt vo nahi soch pati kisi ki,na bachche, na pati, na maabaap..

"Kyoki jinke liye vo jee rahi thi vo har roz use boz samajhke uske marne ki dua kar rahe the"

Yahi ho jaati jai,ek aurat ki kahaani ka ant,Chut jaati hai in sabse.Dur chali jaati hai is Lachar jindagi se.."

Ye article padhane ke baad ek sawaal hai aapse..comment jarur kariyega...

"Kya sach me ye suicide hai??"