❤️Caretaker : Episode 8

Raat ka time hota hai,tanu bed par soyi hui hoti hai,darsh usi ke kamre me couch par sota hai..Tanu firse ek gahre sapne me jaati hai..


Sapne me tanu ke samne fir vo do police officer khade hote hai..tanu ke upar gun rakhe hue use kahte hai - "kitna chipogi tum,kya tumhe pata nahi ki yaha koi chip nahi sakta"

Tanu un police ke samne se piche ki taraf chalne lagati hai lekin reality me Tanu bahot tej bed se niche gir jaati hai..

Tanu ki awaj sunke darsh jag jaata hai and bhag ke tanu ke pas jata hai.. Tanu ko firse bed par sulata hai and kahta hai..tum Please apne loye dusra ghar dekh lo.Yaha rahogi to kuch na kuch ho sakta hai tum samajhti kyu nahi ho😡..


Tanu darsh ke face ke saamne apna face laati jai aur kahti hai,"Fikar ho rahi hai meri?" Darsh thoda blush karte hue thoda kapkapate kahta hai ," me nahi chahta ki tumhe kuch nuksan ho.ek to pahlese hi itna chot lage hai.."


Tanu darsh ka hath apne hath me pakadti hai and kahti hai,"Mujhe jaana hota to usi wakt chali jaati kab pahli bar vo hadsa hua..me chahkar bhi yaha se nahi jaa sakti kyuki yaha kuch aisa hai jo mujhe  jode rakh raha hai is villa se.and tum bhi kab tak aise rahoge yaha akele..Kal me puru ke bf se milungi and I am sure kuch na kuch rasta jarur niklega..chalo abhi so jao"


Tanu so jati hai lekin darsh Tanu ko leke bahot fikar karta hai and so nahi pata..

Subah 9 baje tanu ke saamne darsh nashta le ke aata hai..and Ofcourse Tanu ko Chai bahot pasand he ye darsh jaan hi chuka tha..

Tanu ko darsh uthata hai..Tanu mam please uthiye subah ho gayi hai..Tanu sab sun leti hai lekin na uthane ka natak karti hai😉..

Darsh tanu ke pass jata hai and tanu ko kahta hai - "tanu mam please uthiye apko dawai leni hai jyada der karenge to dopahar ki and subah ki dawai me kam time rahega.."

Tanu aankhen nahi kholti to Darsh tanu ke face ke saamne jata hai and kahta hai- "Tanvi.."

Tanvi ki dil ki dhadkane tej ho jati hai and vo aankhen kholti hai to dekhti hai ki Darsh ki aankhe and tanu ko hi dekh rahi hai..

Tanu kahti hai (kapkapate hue), - "a..ye..tum..k kya k karrr rahe ho"

Darsh - "Subah ki khilkhilati dhup and tumhara ye sota hua chehra itna haseen lag raha tha ko tumhe dekhne se khud ko rok hi nahi paya.."

Tanvi - Achaa..to writer me hu and dialogue tum maar rahe ho..chalo achha hi hai.. Kuch to gun aa gaye tum me mere..

Purvi darwaje par hi hoti hai and ye sab dekh rahi hoti hai..Ekdam se vo jorse bolti hai.. - "Hmm,to ye sab chal raha hai,chupe rustom ho tum dono, ekdusre ko itna pasand karte ho to sath kyu nahi aa jaate.."

Darsh blush karte hue - "me abhi ata hu"

Purvi tanu ko kahti hai ki - "lagta hai vo bhi tujhe chahne laga hai"

Tanvi - "tum itni subah kaise yaha?"

Purvi - "Waah beta, kitni asanise topic change karna chah rahi ho..ekdam ignore kiya tune mene jo bola🥺"

Tanu - Aise kuch nahi hai yr bas me abhi is bare me nahi baat karna chahti.. Tujhe yaad hai na college time par kya hua tha..Sab mujhe Shivam ke naam se chidate the kyuki sabko lagta tha ki vo mujhe pasand karta hai..usne mujhe propose bhi kiya tha..aur jab mene finally use haa karne ka socha tab tak vo kisi aur ke sath relationship me ja chuka tha..Mene aaj tak jataya nahi lekin bahot hurt hua tha..Bas ek hi khayal aata tha ki das hi din me vo kaise relationship me chala gaya..bar bar sochti thi ki vo zuth kah raha tha ki mujhe pasand karta hai.. Anyways puraani baat hai..bas darr lagta hai purvi kisi ko dil lagaane se..


Purvi - I am sorry mujhe laga tha tujhe is baat ka kabhi fark nahi pada..lekin aaj bhi vo dard tumhare aankhon me hai..chal ab ready ho jaa..chalte hai doctor ke pass..


Tanvi - Haa..


Tanvi and Purvi and Darsh tino Purvi ke BF jo ki psychiatrist hai uske pas jate hai..Purvi sab Dr. manan ko batati hai..

In between Counseling :

Dr.Manan - "Pahle to me ye clear karna chahta hu ki kuch logo ko lagta hai atma vagera jaise kuch kahi hota aur kuch logo ko lagta hai ye sab hota hai..Sach to ye hai ki hamare aaspas achi and buri dono invisible powers hoti hai..Aur ye main hi nahi lekin science bhi kahta hai..Jaise ham insan hai,other living beings hai vaise superstitious powers bhi hai jo ki dikhayi nahi dete aur mahsoos jarur hote hai..lekin sabko nahi kuch hi logo ko..Alag alag tarike se..Koi na koi maksad pura karne ke liye..Jis tarike se tumne mujhe bataya un sab se yahi sabit hota hai ki vo villa me kuch baate aisi he jo sulajhni chaiye lekin vo bikhar gayi hai..Jo bhi us villa me ata hai use aise sapne aate hai kyuki vo villa me aane se koi to sabko rok raha hai jaha dusri or tumne oija board vala experience kiya usase pata chalta hai ki koi aur bhi power hai jo sab thik karna chahta hai..Darsh us villa me janm se hai shayad uska koi to connection hai gahra.."


Tanvi and Purvi serious hoke ekdusre ki taraf dekhte hai..

Purvi kahti hai - "Lekin manu fir ye sab ham kaise thik kare kya kar sakte hai,aur Tanu ye ghar chodna b nahi chahti"


Dr Manan - "Do raste hai ya to vo ghar chod do ya fir Lucid dreams"


Tanu - "Lucid dreams? Ye kya hota hai"


Dr. manan - "Lucid dreams ka matlab hai ki tumhe pata hai tum sapna dekh rahi ho and usme enter karke tum jaise chaho vese us sapne ko badal sakti ho sapne me rah ke hi..Lekin ye bahot dangerous hai..Tumhari jaan bhi jaa sakti hai ya sleep paralysis bhi ho sakta hai,Kahi baar to aise hoga ki tum kitne to din ya fir mahine uthogi nahi.. Lekin agar tumhe iska pattern pata chal jaaye to fir tumhe isme dikkat nahi aayegi..aur ha tum sone ke baad khud bhi us same dream me wapas ja sakti ho..Me Lucid dreams ke baare me filhal to itna hi janta hu kyuki ye sab bahot rare hai lekin utna hi real bhi.."


Ye sab sunane ke baad Darsh pareshan ho jata hai kahta hai ki - "Nahi isme khatra hai,me tumhe ye sab nahi karne dunga,Purvi please tum ise samjhao ki ye sab naa kare"

Purvi - "Please chod do ye sab khayal tanu,Pls apna ghar change karo ye sab bahot risky hai"


Dr Manan - "Tum dono thoda shant ho jao aur tanvi ko sochne do,She is capable enough to take her own decisions,Aap dono fikar se bol rahe ho I understand.But vo kya chahati hai iska faisla use lene do..Tanvi take Your time and do whatever u feel.."


Tanvi bas chupchap hi hoti hai..





Aapko kya lagta hai Tanvi kya decision legi ? Comments me jarur bataye..



Comments